ՎՍՀ-ում Հայաստանի Հանրապետության դեսպան Վահրամ Կաժոյանի և Վիետնամի Արտաքին գործերի նախարարության Հո Չի Մինի Արտաքին կապերի դեպարտամենտի գլխավոր տնօրեն Լե Քուանգ Լոնգի միջև հանդիպում:

02 հունիսի, 2020

Հունիսի 1-3-ը ՎՍՀ-ում ՀՀ դեսպան Վահրամ Կաժոյանն այցելեց Հո Չի Մին քաղաք, ուր կայացան մի շարք պաշտոնական հանդիպումներ.

Հունիսի 2-ին ՎՍՀ-ում ՀՀ դեսպան Վահրամ Կաժոյանը հանդիպեց Վիետնամի Արտաքին գործերի նախարարության Հո Չի Մինի Արտաքին կապերի դեպարտամենտի գլխավոր տնօրեն Լե Քուանգ Լոնգի հետ:

Երկու կողմերն անդրադարձան հայ-վիետնամական պատմական ավանդական բարեկամությանը։ Դեսպան Վահրամ Կաժոյանը բարձր գնահատեց Վիետնամի Կոմունիստական Կուսակցության և կառավարության Կորոնավիրուսի հաղթահարման ծրագիրը, ինչպես նաև ընդգծեց Հո Չի Մին քաղաքի ենթակառուցվածքային բարձր զարգացածությունը։ Տնօրեն Լե Քուանգ Լոնգն, ողջունելով երկու երկրների հարաբերությունների բարձր մակարդակը, վստահություն հայտնեց, որ համատեղ աշխատանքով կհաջողվի այդ բարեկամական հարաբերությունները տրանսֆորմացնել նաև փոխշահավետ գործարար հարաբերությունների։ Դեսպան Կաժոյանը տեղեկացրեց տնօրեն Լե Քուանգ Լոնգին, որ աշխատանքներ են տարվում Հո Չի Մինում Հայաստանի Հանրապետության Պատվավոր հյուպատոսի գրասենյակի բացման ուղղությամբ, ինչը ողջունվեց զրուցակցի կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր